منتدى احمد حامد
اهلا ومرحبا بك فى منتدانا
اذا كنت زائرا قوم بالضغط على التسجيل
واذا كنت عضوا سجل دخولك


اهلا بكم معانا فى منتدانا



منتدى احمد حامد

اهلا بكم معانا نتمنى ان ينال موقعنا اعجابكم
 
الرئيسيةالرئيسية  البوابةالبوابة  التسجيلالتسجيل  دخولدخول  
اهلا ومرحبا بكم معانا فى منتدى احمد حامد المنتدى بحاجه اليكم ونتمنى ان تسجلوا معانا للمشاركه فى المنتدى كل عام وانتم بخير

شاطر | 
 

 شرح برنامج الضغط الشهير Winrar

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير العام
المدير العام
avatar

ذكر الدلو الماعز
السٌّمعَة : 0
تاريخ الميلاد : 01/02/1992
تاريخ التسجيل : 26/05/2011
العمر : 25
المزاج : رايق

مُساهمةموضوع: شرح برنامج الضغط الشهير Winrar    السبت أغسطس 27, 2011 11:23 am
















هحاول اشرح النهاردة ان شاء الله التعامل مع برنامج الضغطالاشهر
ال
WinRar

هو اكتر برنامج هتتعاملمعاه لما بتيجى تنزل اى حاجة من الملفات والفيديوهات اللى هنا فى المنتدى او اىحاجة بتنزلها من عالنت بصفةعامة



سؤال بيطرح نفسه
يعنى ايه ضغط الملفاتاساسا؟
هل بيقلل يعنى المساحة ولاايه؟



هو اولا مبيقللش المساحةفى اغلب الاحوال الا حاجات لا تذكر ماعدا بعد الاستثناءات كالبرامج وفيديوهات ذاتاكواد معينة

لكن فكرة البرنامج انهبيعمل على تغليف اى فولدر انت عاوز ترفعه عالنت يعنى لو عندك مثلا فولدر فيه اكترمن حاجة وانت عاوز ترفع الفولدر على بعضه لازم تغلفه بهذا البرنامج فتقدر تعتبرهتغليف اكتر من كونه ضغط

تقدر تحمل البرنامج من هنا لو مش عندك

اضغط هنا
او هنا





نيجى للبرنامج

بعد ماتسطب البرنامجالملفات اللى مضغوطة بيه هتظهر على شكل كتب كده فوق بعض مغلفة زى الصورة كده

عشان تفك الضغط فاحناهنتعامل مع نوعين من الملفات

الملف المضغوط على بعضهككيان واحد مش مقسم

والنوع التانى الحاجاتالمرفوعةمتقسمة

يعنى ايه مش فاهم؟

يعنى دلوقتى انا لما باجىارفع حاجة لو مثلا حجمها 50ميجا فبروح مغلفها ورافعها على بعضها

فبعض الاحيان الفولدرحجمه كبير مثلا 300 ميجا صعب ارفعه لوكشة واحدة عشان اللى بيحمل واللى بيرفع بتبقىالعملية مش مريحة شوية عشان سرعة النت وكده
فبطريقة معينة الفولدر دهبرنامج الضغط يقدر يغلفه بس على 3اجزاء كل جزء 100ميجا او زى ماانا عاوز

يعنى لو انت رايح تزور حدوواخد معاك حاجات ياما هتحطهم فى شنطة واحدة او هتقسمهم حسبحجمهم



النوع الاول من الملفات اللى هو جزء واحد

ده كل اللى هتعمله كليكيمين عليه هيطلعلك زى الصورة كده

عندك 3خيارات



Extract file
Extract here
Extract to اسم الحاجةاللى انتمنزلها

ايه الفرق يا حاج؟


الخيار الاول
لو اخترته هيطلعك النافذةدى


بتقدر من خلالها تختارالمكان اللى انت عاوز الضغط يتفك فيه يعنى مثلا انت نزلت الملف وموجود عالديسك توبانت ممكن وانت بتفك الضغط تختار المكان اللى عاوز تفك فيه الضغط بدل ماتفكه عالديسكتوب وترجع تنقله تانى

الخيار التانى
هيفك الضغط فى نفس المكاناللى فيه الملف المضغوط يعنى لو عالديسك توب هتلاقى الفولدر بعد فك الضغط عالديسكتوببردو

الخيار التالت
هو ملوش لازمه صراحة لكنهو بيفك الضغط فى نفس المكان زى الخيار التانى لكن بيحطها فى فولدر ليه اسم الحاجةاللى انتمنزلها

طيب وايه فايدته ده ماهو نفس الخيار التانى؟

ملوش غير فايدة واحدهاحيانا البعض بيرفع مجموعة صور فبينسى يحطها فى فولدر ويضغطها وبيروح معلم على كذاصورة ويضغطهم على دول ففايدة الخيار التالت انه لما يفك الضغط هيحط الصور فى فولدربدل ماتلاقيهم منكوشين مكان مفكيت الضغط


بال3 خيارات دول انت تقدر تفك الضغط عادى جداوان شاء الله من غير مشاكل

لكن

فى مشاكل ممكن تقابلك وانت بتفك الضغط ويطلعلكرسايل

ايه المشاكل دى وايهمدلول الرسايل وازاى تتعاملمعاها؟

تعالى نشوف مع بعض

اول حاجة هى مش مشكلة هى حاجة عادية

يطلعلك رسالة دى



ويطلب منك باسوردالباسورد دى اكيد هتلاقيها فى نفس الموضوع اللى انت منزل الحاجة دى منه زى مثلامعظم ملفاتى الباسورد mohiey

خلى بالك منحاجة

وانت بتكتب الباسورد لوالباسورد فيها حرف capital لازم يتكتب capital ولو الباقى small لازم يتكتبهsmall مش مثلا لو الباس كده

Mohiey
تروح عامل كله capital اوكلهsmall

هيطلعلك رسالة يقولكالباسغلط

المشحاجة كمان

احيانا الناس بتعمل كوبىللباسورد من الموضوع اللى نزل منه الحاجة وترجع تحطها paste فى مكان المطلوب فيهالباسورد

اوك مفيش مشكلة بس ممكنوانت بتعمل copy الماوس يروح واخد حته space بعد الباس نفسها وتيجى تعمل paste تلاقيه بيقولك غلط

ده طبيعى لان الباسوردحساسة جدا حتى مع اى space فخلى بالك من النقطة دى عشان مترجعش تقول ان الباسوردغلط

كلة التانية والأهم

يطلع يقولك

corrupt file



دى بقى مشكلة مش لذيذه

اسبابها كالاتى

ان الملف المرفوع اساسابايظ

وده الاقل احتمالا لاناللى بيرفع بيبقى حريص جدا انه مش يرفع حاجة بايظة هيتعب نفسه ليه هو لو حصلت فدهغلط عنده وهو بيضغط اساسا

او ان التحميل عندك حصل فيه مشكلة فىالنص
وقف فجأة وبعدين رجع تانىاو حد عمل عليك netcut فوقف الداونلود شوية

أو ان الموقعنفسه
اللى انت بتحمل منه هوالسبب وده بيحصل للاسف من مواقع كتير وبتظهر اكتر لو سرعة الداونلود عندك بطيئةشوية الخطا ده بيظهر فيها

اول سبب ملوشحل

تانى سبب الحل انك تعيد التحميل

تالت سبب انك تعيد التحميل منموقع تانى غير اللى انت نزلت منه



من الاخر ال3 حلول سيئين
لكن كحل مريح شوية نفسيا وعشان تحس انك مخسرتشكل حاجة ففى حل وحيد

لكن هو ملائم اكتر لو انت بتنزل مثلافيديوهات شرايط انما برنامج كمبيوتر او كتب او كده صعب اوى يجيبنتيجة

الحل يعتمدانك
هتفك الضغط عادى جداوتخلى البرنامج يفك الضغط لحد الجزء من الفولدر اللى فيه خطأ بحيث تقدر تستفيد منالجزء اللى فعلا سليم

ازاى دى ؟

فاكر اول خيار عندك لمابتعمل كليك يمين

قصدك Extract file?

ايوه بالظبط هتختارههيطلعلك النافذة المعتادة مش هتعمل اى تغير غير انك هتعمل علامة صح عالبتاع اللىانا مشاورلك عليها دى اللى هى
Keep broken file
Keep broken file




وتختار المكان عادى وتضغطاوك وهتروح تلاقى الحاجة فى المكان اللى انت فكيت الضغط فيه طبعا مش هتبقى كاملةحسب الخطا فى الملف كان فى اى جته بالظبط لكن اديك استفدت ولو باى حاجة بدل ما تخسركل شىء

ده كان النوع الاول من الملفات ذات الجزء الواحد



نأتى للنوع الثانىالملفات متعددة الاجزاء جزئينفاكثر


اهم حاجة اثناء التعامل مع هذا النوع
ان الاجزاء دى تكون فىنفس الفولدر جنب بعض زى الصورة كده




تانىحاجة
اتاكد ان اسامى الاجزاءدى زى بعض بالظبط عدا اخر رقم مختلف 1-2-3 وهكذا

يعنىايه؟

يعنى نفترض عندك حاجة انتمنزلها جزئين مثلا ضرايط ميكرومثلا

مفروض هتبقى كده
Micro.part1
Micro.part2

الاختلاف الوحيد فى الرقم

لو لقيت مثلا ان الجزءالاول اسمه
Micro.part1
والتانى اسمه
micro.part2

اعمل rename وعدل الاسم

ممكن تعدله لاى حاجة عشانلو اسم الملف كبير مثلا

ممكن تسميه اى حاجة بسكده هتعمل renameللجزء الاولوالتانى

يعنىبدل
Microbiology.tapes.uploaded.by.mohiey.part1
MicrobiOlogy.tapes_Uploaded.by.mohiey.part2
لاحظ الفرق ممكن يكونبسيط بالنسبالك بس البرنامج حساس جدا للحاجات دى

اعمل انت بقى rename ويبقوا اى حاجة مثلا

ahmed.part1
ahmed.part2

المهم يبقوا زى بعض عداالرقم وطبعا راعى حكاية 1و2 دى مش تخلى part1 2 او العكس


بعد ما تتاكد منالملحوظتين اللى فوق دول هتكملعادى

لما تيجى تفك الضغط هتعملكليك يمين عالجزء الاول اللى اخره كلمة part1


ماهو طبيعى الجزء الاول اخره part1 كملكمل!!!!!
ماشى

المهم هتضغط كليك يمينوعندك ال3خيارات عادى جدا زى ما شوفنا فوق

وهيتفك الضغط عادىويطلعلكالفولدر

طيب وpart2 مش هفك الضغط عنه هو كمان ؟

لا ماهو البرنامج تلقائىبيقراه ويفك الضغط عنه

هو بعد مالضغك يتفك بمسح الملفات اللى انانزلتها؟

اه ملهاش لازمة خلاص


المشاكل اللى ممكن تقابلكمع الملفات ذات الاجزاء

نفس مشاكل الملفات ذاتالجزء الواحد
يعنى الباسورد

او ان الملف Corrupted وهنا هيقولك فى الرسالة انهى جزء اللى بايظ 1ولا 2

وحلهم زى اللى فوق بالظبط


فى مشاكل متعلقة فقط بالنوعيةذات الاجزاء


زى مثلا تيجى تفك الضغط يطلعلك الرسالة دى
تفك الضغط يطلعلك الرسالة دى






دى واضح تماما انه بيقولكفين الجزء التانى او التالت او ...

دى بقى طلعتلك ياريس عشانانت مخدتش بالك من اول ملحوظتين ان

الاجزاء جنب بعضيها وانالاسم زى بعضه لو خدت بالك مكنتش احرجت نفسك مع البرنامج



كده انا حاولت اشرحالبرنامج ده
على قد معلوماتى لو حد عنده اى اضافة ياريتيقولها ولو حد عنده اى استفسارات تحت امره

طيب يا حاج مش هتشرحلنا ازاى البرنامج ده بيضغطوكده




**بص ياريس هتحط الحاجة اللى انت عاوز تضغطهادى فى فولدر وتسميه زى ما انت عاوز

**هتضغط كليك يمين هيطللك ال4 خيارات دى اخر 2 ملناش دعوة بيهم اول اتنينيهمونى






الخيار التانى
اللى هو add to اسم الملف

عامل كده زى Extract here

هيروح ضغطلك الملف زىماهو كده فى نفس الفولدر اللى موجود فيه وهتلاقى لما يخلص ضغط طالعلك جنب الفولدراللى مكنش مضغوط

واللى مكنش مضغوط هيتمسح؟

لا يا اخى هيدانو زى ماهومتقلقش

اما الخيار الاول
Add to archive

فبيطلعلك نافذة







تقدرمن لالها تعدل شويةفى بعض الحاجات

على قدك انت كمبتدىء اللىيهمك الاتى

انا مش مبتدىء ياعم



لو عاوز تعمل باسورد للملف بحيث اللى ينزلهلازم يكتبها عشان الضغط يتفك

زى ملفاتك اللى بتخلينانكتب اسمك كل مرة ننزل حاجة انت رافعها ؟
بالظبط

هتخش على Advanced












وتعمل زى الصور وترجعتضغطاوك

عاوز الجهاز يقفلبعد ما يضغط الملفاتبتاعتك

لو حجمها كبير يعنى 300ولا 400 ميجا وانت عاوز تنام اعمل زى الصورة







[center]








لو الحاجة اللى انت عاوزترفعها حجمها كبير
وانت عاوز تقسمها اجزاءواللى ينزل يبقى يفك الضغط عن الاجزاء دى زى ماشرحت فوق خالص

يبقىكالاتى








نفرض مثلا انت عندك حاجةعاوز ترفعها حجمها 150 ميجا وانت عاوز تخلى جزء 100 وجزء 50 هتروح كاتب هنا 100mb
وتضغط اوك هتلاقى عندكبعد مايخلص جزئين واحد 100 والتانى 50

لو عندك حاجة مثلا 300اواكتر 320 وكده وعاوز كل جزء 100 ميجا


لو مثلا الحاجة دى 340هتلاقى بعد الضغط كالاتى
3 اجزاء كل جزء 100 وجزءرابع حجمه 40 ميججا والامثلة كتيره على هذا المنوال

فى نقطة مهمة جدا

انك لازم تكتب mb بعدالرقم اللى انت هتكتبه لانك لو كتبت 100 بس فانت كده بتقوله قسملى الملف ده لاجزاءكل جزء 100بايت يعنى صباح الفل

فانت ياتكتب 100mb او اىرقم 50-60 المهم تكتب mb
او انك تكتب الرقم 100مثلا او اى رقم وتحط جنبيه 6 اصفار عشان تحول من ميجابايت لبايت يعنى لو كتبت
100 تكتب جنبها 6اصفاروتبقى
100000000

طيب ينفع اكتب MB مش mb?

اكتب ياسيدى

طيب ينفع اكتب ميجابايتبالعربى؟

مش هردعليك

لا طبعا مينفعش

ياريت بعد ماتخلص ضغط الملفات تفك ضغطهمعلى جهازك كتجربة قبل ماترفعه قد يكون حصل خطأ اثناء الضغط

زمن ضغط الملفات معتمد على سرعة جهازك فىالمفام الاول وطبعا حجم الملفات نفسها



كده خلاص دى معظمالمعلومات اللى كنت اجهلها فى بداية تعاملى مع الداونلود ومع هذا البرنامج وحبيتانكوا تعرفوها


فى النهاية ان كام من توفيق فمن الله عز وجل
وان كان من نقص فمنى ومن الشيطان

تحت امركم فى اى استفسار او تعقيب



[/center]
الرجوع الى أعلى الصفحة اذهب الى الأسفل
http://a7medhamed.yoo7.com
 
شرح برنامج الضغط الشهير Winrar
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» Winrar.2008.Crystal
» شرح الضغط بالــ WINRAR 3.71 مع تقسيم الملفات وعمل كلمة سر
» برنامج WINRAR 3.93 ....PROGRAME ....الخاص لفك الضغط رائع وضروري

صلاحيات هذا المنتدى:لاتستطيع الرد على المواضيع في هذا المنتدى
منتدى احمد حامد :: قسم التقنيه :: منتدى البرامج المشروحه-
انتقل الى: